عيوب بعض شباب جيلنا اللى مش باين له نهار

هقولكم على عيوب الشباب اليومين دول

دايما يقول للبنت حبيبتي وروح قلبي مش علشان بيحبها لاء علشان ما يغلطش ويقول اسم

واحده تانيه من ال100 اللي يعرفهم

انواعهم كتير بقى

يعني تلاقي منهم بتاع مامته رقيق ولطيف وناعم وعنده"كرش" صغير من أكل "ماما" المسبك ومعظم وقته بيقضيه في البيت

وفيه اللي بيحب يكون في ميله ولا موبايله رقم كذا بنت بيكلمهم كلهم بنفس الطريقه كأنهم من ماس، لأنه بيحبهم كلهم والنوع ده بيشد اي بنت في الاول لانه بيعرف ازاي يتعامل مع البنات بس في الاخر بيتعرف لما تلاقيه بيكلم كل البنات زي بعضهم لكن دايما بيحسسك انك مختلفه لكن بينكشف على طول لانه مش بيعرف يعيش من غير بنات ودايما عينه زايغه
اذا عاملتيه بطريقة لطيفة يقول عليكي دايبة في دباديبه و واقعة في غرامه.
-و اذا عاملتيه من بعيد لبعيد يقول عليكي رخمة و متكبرة
-اذا لبستي حلو و شيك واهتميتي بنفسك و كنتي زي القمر ده يبقى عشان تلفتي نظره و طبعا عشان سواد عيونه
و اذا لبستي عادي و مهتمتيش بنفسك( عشان انتي زي القمر اصلا مش محتاجة حاجة )يقول انك بنت بالغلط.
-اذا نزل رغي في كلام كتير وده الطبيعي (عادته ولا هيشتريها )و ناقشتيه تبقي عنيده و دماغك ناشفة زي الحجر.
-اما اذا صبرتي و استحملتي و خرستي يقول عليك غبية و مبتفهميش وانو لو كان بيكلم حيطة مكنتش عملت زيك

-اذا بينتي انك اذكى منو(لان البت ذكية دايما) يزعل و وشه يبقى في الارض من الكسوف و يغلطك في كل كلمة.

-اذا حس بس انو اذكى منك ولا شم ريحة ينفخ نفسه عالفاضي و يقولك ده الطبيعي يا بنتي امال ايه انا الراجل
-اذا كنتي مش بتحبيه يحاول يتملكك بكل الطرق و الوسائل و يفرض حبه عليكي غصب و اقتدار
و اول ما تحبيه يبدأ يزوغ منك و يسيبك (صح 100% عارفة يا بنتي المهم خلينا نكمل )

-اذا حاول يمسك ايدك و رفضتي تبقي مش بتحبيه لان ده تعبير عن الحب
اما اذا وافقتي تبقي بنت مش محترمة و مش تعرفي تحافظي على اسمه (وكلام فاضي من ده كتير).

-اذا حاولتي تشكيلو همك عشان تحسسيه بقربه منك يقول عليكي وجعتي دماغه و رغاية و بتاعت مشاكل.
-و اذا قفلتي بقك و مقولتيلوش على حاجة يقول مش بتثقي فيه و مش بتآمنيه على سرك و بالتالي مينفعش تكملوا مع بعض (ودي طبعا من طرق الزوغان بتاعتهم)

-اذا كان قلبك عليه و بتنصحي ياكل و ينام ولا حتى تقوليله كلم مامتك حلو عشان خايفة عليه من غضب امه (عشان كله الا غضبها) يقولك هوا انا صغير ولا عيل تقوليلي اعمل ايه و معملش ايه و يطلعك بنت 60 × 70 والحق عليكي.

-و اذا هوا غصبك على حاجة من غير اي حق يبقى خايف عليكي وعايز مصلحتك ويديكي بوز شبرين لو فتحتي بقك
-اذا كسرتي وعد ولا كذبتي يكسر الدنيا و طبعا تبقي مش أهل للثقة الغالية اللي حضرته هيتكرم ويمنحهالك.
-اما لو هو كذب والا كسر وعد (وده بيحصل كتير طبعا) تبقا غصب عنه و كدبه بيضة و مكنش قصده و ملكيش اي حق تزعلي و لازم غصب عن عينك تثقي فيه بعد كده.

-اذا حصل و جرحتيه غصب عنك (نادرا ما بيحصل) تبقي قاسية و مفيش في قلبك رحمة وطبعا معندكيش نقطة دم.

-واذا جرحك كالعادة (بيحصل كل ثانية) تبقي انتي فافي و حساسة زيادة عن اللزوم ويقولك انتي صعب الواحد يرضيكي.