sara 4ever
عدد الرسائل : 283 العمر : 28 تاريخ التسجيل : 08/06/2008
| موضوع: لا لا لا انا لازم...., والنبي ينفع كده؟؟ الجمعة 27 يونيو 2008, 8:23 pm | |
|
السلام عليكــم ورحمـة الله وبركاتــة ،،
ازيكم يا شباب/ بنات...يا رب الكل يبقي بخير وسعاده
الموضوع النهارده بصراحه شاغل بالي بقاله فتره لانه للاسف حصل مع جارتي وللاسف برضو
بنشوفه كتير ف التليفزيون وكنت عايز اشوف رايكوا فيه ايه؟؟
بصوا معايا ...
دلوقتي اي اتنين متجوزين بتحصل ما بينهم مشاكل لاسباب ما وممكن اثناء المشكله دي الزوج
(يرفع صوته ع زوجته او يزعقلها او يزعق للابناء او ... او .... او حاجات كتيــــــــر)
المهم بيكون رد فعل معظم الزوجات ف الحاله دي انها تقولك لالالالا انا لازم اربيه واعرفه ان الله
حق..لازم اعرفه اني بنت ناس ومسمحش بكده ابدا. ..وتقوم هووووووب لامه شنطه هدومها
ورايحه ع بيت اهلها وتروح قايله لما يبقي يعرف قيمتي يبقي يجي ياخدني...
بالذمه ده اسمه كلام؟؟؟؟؟؟؟
يعني تسيب بيتها عشان جوزها زعقلها او عشان متفقوش ع حاجه معينه...او مثلا عشان حاسه
انه متغير معاها
يعني اي واحده كده تسيب بيتها لاي سبب وخلاص...طب ده حتي فيه مثل بيقول(من خرج من
داره اتقل مقداره)
يبقي ليه تخرجي من اصله ؟؟؟؟؟؟
لا وساعات بقي الاهالي بدل ما يحاولوا يصلحوا الموضوع ويعقلوا بنتهم يقولولها بيت اهلك
مفتوحلك ف اي وقت(صحيح هوفاكر ان بنات الناس لعبه ف ايده لالالالا ده لازم يتربي. ..)
لاحول ولا قوه الا بالله ...ده بدل ما تعقلوها وتقولولها لا ازاي تسيبي بيت جوزك(ده الواحده
مالهاش الا بيت جوزها)بس تلاقيكي انتي اللي اتسرعتي ولا اي حاجه من الكلام ده..تروحوا
منشفين دماغها اكتــــــــــر ؟؟
*هل انتوا شايفين ان في اي مبرر يخلي الواحده تسيب بيت جوزها؟؟؟؟؟؟
*بالنسبه للبنات هو انتوا ممكن تفكروا تغضبوا وتسيبوا بيتكوا-لاقدر الله- لاي سبب؟؟؟
*وبالنسبه للشباب هتعمل ايه لو لقيت اختك-لاقدر الله- جايلكوا غضبانه بشنطه هدومها؟؟
وبرضو هتعمل ايه لو كل شويه مراتك تروح غضبانه وسايبه البيت وتروح عند اهلها؟؟
| |
|