sara 4ever
عدد الرسائل : 283
العمر : 28
تاريخ التسجيل : 08/06/2008
 |  موضوع: لا خ ـوي و لا مخاآأاًوي و لا لقيته الـلي اهتوـيته"×.,} الثلاثاء 05 أغسطس 2008, 4:35 pm | |
|
لا خ ـوي و لا مخاآأاًوي و لا لقيته الـلي اهتوـيته"×.,}
سلاأآاًمي عد حبات التراب..,
و شحالهن البنات..,؟؟ ربهن الا بخير وع ـافيه
احم احم انا اليوم يايبه لكن قصة و طبعا منقولة ..,
و اتمنى انهاآ تعيبكن شرات ما عيبتني..,
×
×
×
البارت الأول(1)
انا عليا عمري 17 سنه ثانويه عامه.. انا يتيمه.. ابويه مات وانا عمري 4 شهور واميييه كانت اجنبييه وبعد وفات ابوي بشهر ودرتني وسافرت لبلادها واستغنت عني خلتني سارت تكمل حياتها >> ناس ما تخاف ربها
انا عايشه ويا يدتي عذييجه وييديي بعد كان متوفي.. المهم ابويه كاان من اصحاااب الشركات وعنده ملايين وبيزات وخير>>> ولهسبب امييه خذت ابويه
المهم يدووه عذيجه ربتني وكان عندي عميين الله يطول في عمرهم وهم ما قصرو وياي وكل واحد فييهم معررس وله بيته وعياله والبيت اليي انا عايشه فيه بيت ابويه الله يرحمه
يدووه عذيجه امأجره بيتها وساكنه في بييت ابويه الله يرحمه يعني ما اقولكم ان يدوه كانت تكرهني بس بعد كانت معاملتها ليي شوي قاسيه لان مهما صار بتتم بننت الاجنبيه اليي كانت السبب تقريبا في مووت ابويه الله يرحمه ولهذا السبب كانت تكرهني شوووي وانا ما ادري شو ذنبي ان هاي اميه
المهم كنت انا في غاية الجمال والروعه كنت ما خذه من حلات اميييه كاان شعريي طويل وكستنائيي اللون لون شعر اميه وعيوني كانت كبيره و وسيعه وحلوه ولوونه بنيي عرمادي اليي كان يشوفني ما كان يصدق اني بنت عرب المهم كنت وايد حلوه
والمهم خلنا نرجع لعمامي عمي سلطان وعمي راشد
عمي سلطان عمره شي و40 وكان ماخذ وحده من اهالي سويحان فاطمه (شي و30 انسانه طيبه وحنوونه وتنحب)
المهم اكبر عياله كان فهد عمره 33 ماخذ بنت خالته حصه 28 سنه وعندهم ساره 4 وسالم سنه وبعدين ايي هادف 28 ماخذ اخت ربيعه شيخه 22 سنه عندهم راشد سنتين وبعدين ايي ((هزاع)) عمره 24 سنه يدرس في المانيا كان حلمه ان يكون دكتور ولكن عمي ما رضى وقال لازم يدش البزنس ويدير شركااتي وحلالي بعد وفاتي وهالشي الي خلله هزاع يسافر ويبتعد وييدرس البزنس في المانيا كان انسان عصبي ومتحكم مغرور خقاق لابعد الحدوود شايف نففسه وكان وسيم جميل يخبل كان يجنن وكان انسان له هيبته وشخصيته طويل عريض خشمه شرات السيف اسمر اللون ولكن مب وايد اسمر >>> يعني لونه حلوو .. المهم كله على بعضه كان عذاااب نص بنات العايله متخبلات عليه وبعدين سلامه 18 سنه وبعدين عويش 15 وبعدين خليفه 9 سنين
....
وعمي راشد كان عمره في ال30 وكان ماخذ بنت ييرانهم وكانت عاليه (وهي بعد في ال30 ولكن كانت اصغر منه) وعندهم هادف 16 سنه والريم 14 واحمد 9 واخر العنقود العنود 5 سنين
....
كنت انا خقاقه ودلوعه ورافعه خشمي وواثقه من نفسي ودوم افتخر بنفسي وجمالي وكانت لي اسبابي كنت اظن انيي بهالطريييقة بكوون مثثل الناس بشي وبهالشيي اريد اكون فييه احسن منهم يعني كنت ابا يكون عندي شي الناس تتمناه انا كنت مدلعه نفسي بنفسي ومسوييه كل ها عسب ارضي شي في داخلي ولكن شو ما اعرف المهم كنت دوم اتمنى ان يكون ليي ابو و ام كنت دووم اغار من ربعي كنت اموت كل يوم من العذاب وكنت اتعذب يوم مجلس الامهات كان الكل اييب امه الا انا وما كنت اقول ليدووه وحريم عمامي كنت دوم احاول اني اغيب في الايام ومرات ما كنت اروم اغييب وكنت اسيير واتعذب وانا اشووف كل ام تسال عن بنتها والي تحضنها وانـا انـا اميه ودرتنيي وانا صغيره وانا بعدني ما كملت ال5 شهور اه وهالشي اليي كان معذبني انيي كنت بلياا امم وابوو ياا ما اصصصعب الحيياة بدوون الوالدين كنت اكره امييه مرات ومرات احبها كنت دوم اسال نفسي لييش احبها هي شو سووت لي والي فهمته من يدووه انها كانت السبب في موت ابويه يمكن يدوووه كرهتنيي فييها كنت كل ما يدووه تسسب امييه اصييح مهما كان وصار بتتم امييه ما كنت احب حد يسبها والا يغللط علييها كانوا يقولون ان اميييه خرربت ابووويه وخللته يتعوود عالشررب وهالسوالف وليين ما ذبحته وهالشي يدوه كانت تقووله ليي كنتت مرات احتاجها تكونن عندي كنت مراات اشتااق لها مووت وانا ما اعرفها كان خاطري اشوفها ولكن وين بلقااهاا ؟؟؟ اصلن لوو لقييتهاا هيي تباانيي؟؟؟ وليييش هيي ودررتنيي؟؟ هل هيي تحبنيي؟؟ هالاسئئله كانت دووم تدور في بالي ولكن من بيجاوببني علييها منو؟؟؟
المهم ببدا بالقصه...
في يووم الاربعا خلصنا امتحااناات الثانويييه العامه وكنت رااده البيييت وانا مستاانسه لاني خلاااص خلللصت وماا بررجع لشششي اسمه مدرسه و خلاااص بتنتهي المدرررسة و مشااكللها
عليا:السلاااااااام عليييييكم
عذيجه: وعلييكم السلام والرحمه ها شو الامتحان اليوم
عليا: سهل وصعب ما ادري حليييت
عذيجه: شوو بعدد ما ادري اقوولج هاا ما ابا نسبه اقل من 90%
عليا: هيهيهي ان شاالله>>>في خاطري اقووول جان ما كان 59%
عذيجه : انزين اميه سيري غيري لبببسج وحطي راسج شوي
عليا: لا يدووه ابا اييلس عنندج شوي اليووم
عذيجه: لا الغاليه سيري ارقدي ابرك لج لا ني مششغوووله الحييين
عليا: انشاء الله انزين يدووه انااا اطلع اليوم
عذيجه: يصير خيير الحيين فارجي ابا اتصل في سلامه
عليا بحزن : انشااللله
في اليوم الي قبل ظهور النتايج
عليا كانت يالسه عند يدتهاا يشوفوون فلم وعليا كانت مستغربه من يدتها ليشش جييه تطالعها بسس بعد ما اهتميت وتميت تتابع الفلم
بعد شوي
يت يدووه ولوت علييه وتقول: الله يحفظج دنيا واخره اميييه والله يسعدج يابنيتي
وحبتنيي عرااسيي وجان احببه والووي عليييها وتميت اصيح وهيي تصيح فياي كنت افكر واقول صح كانت قاسيه شوويه معاايه بس بعدد هييي تحبني وهي الي ربتنيي وهي الوحييده الي كانت تخاف عليه هي الوحيييده اليي كبرتني وربتني وتساعدني يوم تقدر لولاها هيي جان كنت انا الحيين ضايعه عالاقل عووضتنيي عن امييه شووويه على الاقل كان فيها الخيير وطلعت احسن من اميه الي يابتني وتمييينا نصييح ليين ما تعبنا وكل وحده سارت صوب حجرتها
وفي اليوم الثاني يوم النتايج كنت يالسه عالكمبيووتر واتريا النتايج واول ما فتحت الصفحه كتبت رقم جلوسي وحصلللللللت نسبتي اول ما شفتها كنت بنطييييح من الكررسيي ماا توووقعت انيي ايييب هاالنسسبه كنت موول ما ا اعرف احححلف شيي وفي لاخر يبببت 93,8 قللللت مسستحييييل مستحييل وسررت اربببع صوووب حجررة يدووه ابشررهاا
اووول ما دخلت الحجره لقييت يدووه راااقده سررت صووبهاا ابا اوعييها اوول ما دققييتها كاانت بااارده بااارده خففت وبدييت اشششك جاان اصييح واييلس اززقررهاا واحااول اوعييهاا وهيي ما تردد عللى صووت صياحي يو البشاكيير يربعون ويحااولوون فيايه يووعوون يدووه ويوم شفت خلاص ما في امل خلاص يدووووووه مـاتت تندهدت تنهييده كلها الم وحززززززززززن وطحت وجان يسييروون البشاكيير والدرييولييه يتصلوون في عماامي وحاله ويوم نشييييت لقييت عمري عالشبرييه كنت ابا اتذكر شو اليي استووى ومرره وحده جان افز وتذكرررت جاان اصيييييييييح وسرررت اربع في البييت ولقييت عمامي تحت سررت صوووبهم وانا اصيييح واقوولهم ويين يدووه ويين يدووه جان يلويي علييه عميي وايي صووبي عميي لثااني ويصييحووون اااااااااااه سارت يدووه خلاااص خلاااص سارت الي ربتني وحببتنيي خلااص انا من ليي الحييين ويين بعييش شو بيستوووي فييينيي ااااااه حتتى ما بششرتها بنتييجتيي اهههههه وجان اطيييح علييهم بعد مرره>>> لا تقوووللووون اننه دللع ولككن خلاص سارت الي ربتني وكبرتني الي اهتمت فيني يدوووه
وهاليووم يوو النااس بييتنا وكانن حرييم عمامي وبناتهم في بيتناا وبنات عميي يحاولوون يخففون عني
ومرت ال3 ايام حزيييييينه وخلللصت وكل هالاياام بنات عميي وحررمة عميي سللطاان كاانوا عندي.. رجع ولد عمي هزاع من المانيا عسب يحضر العزا
وفي اليوم الرابع يووني عمامي سلطان وراشد وقالولي
عمي سلطان: عليا حبيبتي اليوم انا وعمج ياييين نررمسسج عن مووضووع
جان اطاالعهم بنظرررة خوووف
عمي راشد : يا بنييتيي لا تخافييين نحن عمامج
جاان اصيييح ويصيحوون معااايه
عمي سللطان: اقوول غناتي خلااص حبيبي خلااص بس فديييتج انزيين انا اليوم وعمج سلطان ياييينج ونبااج تقررريين انتيي عند منوو تبيين تعييشيين
جاان ارففع رااسيي لهم واقوووول: لالالالالالالالا انا ما ابا اطلع من هالبيييت لالالالالالالالالا وبدييييييت اصيييييييييح
عمي راشد: يا بنتيي ما يصيير هنيي منو بييتم عنددج ماا في حدد لازم اتيين بييت واحد منا
عمي سلطان : انزيين انتيي اليووم تعالي بييتنا ونحن بنقرر بااجر شوو تسوووين انزيين غناتي
جاان اصيييح وعققب صلاااة الظههر سررت مع عممي سللطان بييتهم
واول ما دخلت الببييت لقيييت عمووه وبناتها يتريوني ويرحبووون فيييه
عموووه:: هلاا والله بعليا تووووه نووور البييت
عليا بصووت يلا يلا ينسسمع: بوجودكم
جان اتييني سلامه : يلاا علاايه بسيير اراااوييج حجررتج تعااليي
وجاان اسسير ورااهاا
عميي سللطاان: ام فهد تعالي ابااج
وساارت ام فهد ورا ريلها لحجرتهم
عمي سلطان: يا فاطمه انا فكرت ولقيت حل لمشكله عليا
فاطمه: الي هو؟؟
عمي سلطان: انيوزها لهزاع
فاطمه:!!!!شو!!!؟؟؟؟
عمي: شو بلاج البنت ما علييها قصوور وهزااع كبر ولازم يعررس
فااطمه: لاا والله عليا الكل يتمناها ويباها بس هزاع شو رايه وهزاع وبيرد يدرس
عمي: شو يدرس يعني الامارات ما في مدارس هذا الا ولدج يدلع خلييه يدررس هنييهه وهو حصل عالشهاده والحيين شو يبا يسوي هناك
فاطمه: شو ترااه يقووول اننه بقاله كورس وما ادري شو
عمي: مب مهم الي يبااه خلاص حصصل الشهاده شو يبا اكثر وحتى الشهاده ما بتنفعه لان بيدييير شرركااتي شو يباا بالشهاده
فلطمه: لا حول يمكن الولد ما يباها والبنت ما تبااه
عمي: لا انشاءالله تبااه وهو يبااهاا لييش هوو شوو يبا اككثر بنت عمه وحلوه وما علييها قصور فاطمه : والله ما ادري سوو اليي تبااه
عمي: انشااءالله خير
في هالوقت هزاع كان يرمس هدى ((بنت سعوديه تعرف عليها يوم كان في المانيا تدرس وياه يحبها يموت فيها وهيي بعد((
هزاع: يلا ما بقا شي وبرد لج
هدى: حبيبي يلا تعال وايد طولت اشتقت لك
هزاع: بيييج ان شااء الله
هدى: حبيبي نحن متى راح نعرس متى راح تخطبني من ابوي
هزاع: قرييب ان شااء الله والحيين انا ما اروم ارمس ابويه بالسالفه لان يدوه ما كمللت ال4 ايام هدى بضيج: يعني متى
هزاع: جرييب حبيبي
وفي حجرة عليا كانت يالسه وتصيح وسلامه تحاول تسكتها
سلامه وهي تصيح: بس عاد مب زيين جييه
عليا: ......وتصيح
سلامه: علياا بس بس خلااص هيه صح ما قلتييلي كم نسبتج كم ييبتيي تعرفيين انيي يببت 84%
هنييه عليا تذكرت رمسة يدتها ويوم كانت تباها اتيب نسبه فوق التسعين
عليا: اه سرتي يدووه وما خبرتج كم نسبتي سررتيي قببل ما تعرفييينها سرتي عنيي وخليتيني برووحيي سرتي وسارت رووحي وياج خلاص ابا امووت من لي الحييين منوو ااه من بعدج شو حالي يكون .
وفي هالوقت الي قالت فيه عليا هالكلام كان هزاع طالع من حجرته ساير صوب سلامه لان ما كان يدري ان عليا عندهم لانه كان راقد فسمعها ووقف قلبه عرف ان هاي الي هي عليا وتم واقف في مكانه وسار صوب حجرته كسرت خاطره بس بعد شوي اتصلت فيه هدى ونسى سالفة عليا
كـ ـ ـ ـــــــت
شو بيستوي مع علايه و هزاع
كل هذا فالبارت الثاني ..,
| |
|
